Hvað er lágmarks tengitími?

Lágmarks tengitími er ráðlagður lágmarkstími fyrir hraustan farþega við venjulegar kringumstæður til að skipta úr einu flugi yfir í annað. Áðurnefndur tími er reiknaður út fyrir hvern flugvöll fyrir sig og getur því verið breytilegur á milli flugvalla.

Hvaða þáttum tekur útreikningur tímans mið af?

Útreikningur lágmarks tengitíma miðast við að bæði flug séu á réttum tíma. Við útreikninginn er tekið mið af þáttum eins og fjarlægð á milli hliða, mögulegu landamæraeftirliti, öryggishliðum og öðru sérstöku skipulagi flugvallarins sem farþegi kann að hitta fyrir þegar skipt er úr einu flugi yfir í annað.

Enginn samræmdur staðall gildir fyrir alla flugvelli og því verður þú að kynna þér lágmarks tengitíma á flugvöllum tengifluga.

Mikilvæg atriði til að hafa í huga í ferðum með sjálfsflutningi

Þegar þú ert í ferð með sjálfsflutningi skaltu hafa í huga að flugfélögin sem þú ferðast með samræma ekki ferðir sínar varðandi innritanir, meðhöndlun farangurs eða hugsanlegar tafir. Slíkt þýðir að þú þarft hugsanlega að fara í gegnum landamæraeftirlit og öryggishlið á ný og tíminn sem slíkt tekur er breytilegur eftir tíma dags, skipulagi flugvallarins og umræddri árstíð.

Þú ættir að íhuga að bóka þannig að lengri tími sé á milli fluga til að draga úr hættunni á því að missa af næsta flugi.